Ch'raza d'frédd che fa de fóra
e pò piòv e piòv ancora
(fórs ormèi l'an nirà pió)
E continua a caschè gió
tutta 'st'acqua strétta strétta
t'un 'sta strèda maledetta,
t'un 'sti albre e t'un 'stle chès
senza requie ormèi da un més.
E continua a butè gió.
(fórs ormèi l'an nirà pió)
fórs ormèi la s'è scurdèda
da passè anca par 'sta strèda,
fórs ancóra l'an nirà,
fórse 'st'ann l'an bussarà
anca s'fa tant frédd de fóra,
anca s'piòv e piòv ancóra
e continua a butè gió
(fors ormèi l'an nirà pió).
Paolo Cappelloni