Giulio Ottaviani

Giulio l'aveva visud intensamènt i su' prém 40 ann e l'è riuscìd a viva pienamènt anca quèi dòp la cecità ch'i l'avéva colpìd. Tramite Stereo Pesaro 103 e sopratutt grazie ma'l su' fascino l'è dventèd un personagg' popolèr e na persona amèda in tuta Pésre. Quand a j avémmi propòst da vnì a recitè sa nojatre l'ha acetèd senza pensèi do vòlt. Provand na comèdia par d'i més, naturalmènt sempre sa la stessa scenografia, sa j aréd de scena sempre t'el stéss pòst, Giulio el s'truvèva sora el palchscenich perfettamènt a su' agio e a teatre, chi pòch ch'in el cnuscéva, mentre il guardèva a recitè e a mòvse s'el palch, in s'incurgéva manca, che lo en pudéva véda. L'ha visud intensamènt el su' lavor in radio e sa nojatre a teatre. L'è stèd sfortunèd, Giulio, mo l'ha avud un sacch d'person ch'j ha vludi bèn.