Giuseppe (Pino) Pascucci

La préma volta ch'a i ho recitèd sa lo è stèd t'el 1975 in "La font d'la salut", de A. Righetti, pò a ce sim incuntrèd parecch vòlt sora el palchscenich. Pino l'era stèd el custode d'l' Osservatorio Valerio a i tèmp quand l'era ancora dirett da Alessandro Procacci, pò l'ha lavrèd in t'la Biblioteca Oliveriana, sotta la direzion de Antonio Brancati e a la fén l'è el custode del Museo Civico. L'era un brav caraterista, al Pòrt l'era un apasionèd pescator, in t'la vita de tutt i giorne l'era un òm schiétt, giovièl e colt. E' simpatich arcurdè ch'l'imitèva molt bèn la machietta bsarés "Grill" in t'le su' batud più famose che ogni volta le ce facéva rida de còr. A créd che Pino el se sia esibìd in t'una d'le ultim, se non l'ultima volta, sa me, in ocasion d'una dizion de poesì par la Festa de Pantèn, t'el 1988.