Oh, carén! I ha sistemèd
d’San Domenico el merchèd!
J ha fatt bèn, porca paletta,
d'arcurdès de cla saletta
dó i bsarés tutt le matén,
che sia bora opur garbén,
i s’artrova tra cle mura
par cumprè un cuncén d’verdura
e girand tra l’bancarèll
pén ch’le avonta de cmarèll,
de pumdòr e de mlanzèn,
de scarciofne e de zuchén
i s’inebria d’mill udór
ch’i te mett el bonumor!
A so’ stèd propi cuntènt
de st’idea ch’j è vnud in mènt
parchè t’za che po’ sucéda
qualca idea mezza sbrindleda
e ch’i arèpra tra cle mura
n’antra mostra de scultura!
Paolo Cappelloni
