Favuléna - I do gomitol
Pensè un po': tèmp fa a j ho vist ma dó gomitol ch’i s’è méss a fè cagnèra! Un l’ha cmincèd a dì ma cl’atre: - Se me a me svrucch’ a so pió lungh de te. – Cl’atre j ha risposti subit: - En è vera, a so me pió lungh de te, pó el mi culór rósc l’è pió bell del tua ch’l’è un verdulén brutén da bestia! -
El prém gomitol j è saltèd adòss e l’ha cmincèd a mnèl, cl’atre l’ha fatt cumpagn mo, mentre i fèva a cagnèra, i dó gomitol i s’è sciòlt e i fil i s’è talmènt ingavinèd tra d’lóri che in è stèd pió bòni da svruchiès e j è dventèd un sol gomitol gross gross: un po' rósc e un po' verdulén. Alóra me co’ l’è ch’a j ho fatt? A j ho chiapèd ste gross gomitol e a m'so fatt fè ‘na bèla maja un po' róscia e un po' verduléna e chi dó cagnarón, a forza da stè insièm, adèss in litiga pió.
è vietata la riproduzione a scopo di lucro dei testi o di parte di essi. In caso conviene chiedere a me...
