me a magn
te t’magn
ló el magna
nojatre a magném
vojatre a bevé…
Be’? Vojatre co’ a c'entrè? Gì via ch’a stém magnand!
Alóra, arcmincém:
me a magn
te t’magn
ló el magna
nojatre a magném
vojatre a durmì...
Ardaj…! Maché en s’dorma! Arturnè da dó a si vnud!
Alóra, archiapém:
me a magn
te t’magn
ló el magna
nojatre a magném
vojatre a magnè...
ecch, adèss va bèn!
lóri i bé…
Acidènt che cunfusión!
Alóra fém acsé:
me a magn
te t’bév
ló el dorma
nojatre a magném e pó a bevém
vojatre a bevé e pó a durmì
lóri i magna, i bé e i dòrma
(… e chi sta méj d’lóri!)
Paolo Cappelloni