El spostamènt del marchèd citadén

No no…
A so’ cuntènt, a so’ cuntènt
de ste prosim spostamènt
del marchèd del martedé
(e d’le vòlt anca el giuvdé).

Senza pió j intasamènt,
deviazión e atre acidènt
par tutt quant i citadén
t’un cle strèd e chi stradén!

No no…
A so’ cuntènt, a so’ cuntènt
de ste nòv decentramènt
stabilid o bèn o mèl
dal Consigli Comunèl.

Aria e spazi e un pòst più snèll
pròpi dria ma’l Tribunèl
che sperém facia riflètta
ma chi lèdre par fèj smétta
da gì avanti sa’l viziétt
d’smuginè dentra l’borsétt!

Aria e spazi e un pòst tranquill
senza guèi e senza assill
che sperém facia riflètta
ch’an s’po’ gì sempre de frétta
mo pensand un po’ ogni tant
che a do pass… c’è anca el Campsant!

Paolo Cappelloni