C’è un quèdre pcén a chèsa mia
che prò en s’po’ dì un dipint pur sia:
fra quéi ch’a i ho
l’è el quèdre più bèll
ed ogni volta ch’a
m’fèrme a guardèl
el me trasmétt sèns d’intimità.
I l’ha dipint sa’l còr un mi’ amich,
l’è un quèdre nòv che prò l’è anca antich
par via d’la fredda luc’
ch’i l’arémp
e il rénd sospés cum
fóra dal tèmp
dandj un’imègin d’eternità.
Se véd tre vècch tutti infagutèd,
i è par cónt d’lóri,
sótta el logèd
in t’un cantón d’la
prefetura
ch’i se ripèra tra le
mura
dal frédd d’l’invèrne
e da quéll d’l’età.
‘Sti tre vechiarlén rimbrigiolìd
i sta un po’ gòbb, j occh’ fiss in s’i pid,
sfiorèd da ’n sól ch’l’è
sbiavìd e stracch
e ch’el diping’ s’el
mur l’ombra d’j arch
del bèll palazz vècch’
de ‘sta cità.
I pèr cum s’fussa
ormèi rasegnèd
e ma’l gran frédd
ormèi destinèd.
Epur i arman al tepór
d’chi ragg’
sfidand la sòrt sa’l
sénn e ‘l coragg’.
I sta malé, sperand ch’pasarà.
Nessun commento:
Posta un commento